اسلام آباد (پاکستان نیوز پوائنٹ 27اگست 2016ء) پاک چین اقتصادی راہداری منصوبے دے تحت 10 ہزار 4 سو میگاواٹ بجلی دے 14 منصوبے دسمبر 2018ء تئیں پورے کر گھدے ویسن، جیندے نال ملک اچ توانائی دا بحران مُک ویسی ، اتے ملک دے اقتصادی تے سماجی شعبیاں اچ بہتری امسی ۔ وزارت پانڑیں تے بجلی دے ذرائع دے مطابق پاک چین اقتصادی راہداری دے تحت اہم منصوبیاں اچ حکومت مستقبل اچ توانائی دی لوڑ کوں پورا کرنڑ سانگے شفاف اتے سستی توانائی متعارف کروائی ہے، چین پاکستان اقتصادی راہداری منصوبہ ، تاپی اتے کاسا 1000دی طرح دے ڈوجھے بین العلاقائی منصوبیاں پاروں ملک ، خطے کیتے توانائی بارے آندی راہداری بنڑ سگدے ۔
چین پاکستان اقتصادی راہداری منصوبے دے تحت چین توانائی دے شعبے اچ سند ھ اچ پورٹ قاسم الیکٹرک کول دے 1320 میگا واٹ،پنجاب اچ ساہیوال کول پاور پلانٹ 1320 میگا واٹ،اینگرو تھر اچ 1320 میگا واٹ، گوادر کول پاور پراجیکٹ 300 میگا واٹ،رحیم یار خان کول پاور پراجیکٹ 1320 میگا واٹ ، قائد اعظم سولر پارک بہاولپوراچ 1000 میگا واٹ،داود ونڈ فارم بمبور اچ 50میگا واٹ،سند ھ اچ یو اے پی ونڈ فارم 100 میگا واٹ،سچل ونڈ فارم 50 میگا واٹ،جھمپر اچ سنیک ونڈ فارم 50میگا واٹ،خیبر پختونخوااچ سکی کیناری ہائیدرو پاور سٹیشن 870 میگا واٹ،اے جے کے اتے پنجاب اچ کروٹ ہائیڈرو پاور سٹیشن 720 میگا واٹ،گڈانی پاور پارک پراجیکٹ2640 میگا واٹ،حبکو کول پاور پلانٹ660میگا واٹ،کوہالہ ہائیڈل پراجیکٹ 1100 میگا واٹ،ٹھٹھہ اچ پاکستان ونڈ فارم 100میگا واٹ،سالٹ رینج مائن مائوتھ پاور پراجیکٹ 300 میگا واٹ،تھر مائن مائوتھ اوریکل 1320 میگا واٹ،ایس ایس آر ایل تھر کول بلاک 6 ۔
1320میگا واٹ،مظفر گڑھ کول پاور پراجیکٹ 1320 میگا واٹ دے منصوبے شامل ہن ۔ ذرائع ڈسایا جو اقتصادی راہداری نال نہ صرف ڈوہائیں ملکاں جڈانجو خطے دے بئے ملکاں کوں وی فیدہ تھیسی ۔
