اسلام آباد (پاکستان نیوز پوائنٹ 27اگست 2016ء) پاکستان اتے چین وچال آزمودہ دوستی اتے ملک تے خطے دے استحکام دی مثال چائنہ پاکستان اقتصادی راہداری بارے اہم ڈو ڈینھ دا سمٹ (سبھائیں ) سنوار کوں اتھاں اسلام آباد اچ تھیسی۔ پاک چائنہ فرینڈ شپ سنٹر اچ تھیونڑآلے ڈو ڈینھ دے ایں سمٹ بارے تھیوںآلی اگوہیں ، مدت دا تعین اتے سرمایہ کاری سمیت سارے اہم گالہیں دا جائزہ گھدا ویسی ، اتے سارے وزارتاں، محکمہ جات اتے صوبے ایں بارے ہنڑ تئیں دی اگوہیں بارے کانفرنس دے شرکاء کوں آگاہ کریسن۔
ڈو ڈوینھ دی کانفرنس اچ ہک خصوصی نمائش دا وی اہتمام کیتا ویندا پئے جیندے اچ منصوبے دے رستے ، زیر تعمیر منصوبیاں، توانائی اتے آبی ذخائر دے منصوبیاں اتے بیاں اہم منصوبیاں دے قد کاٹھ اتے اہمیت بارے ہک نمائش دا وی اہتمام کیتا ویسی ۔ وزرائے اعلیٰ صاحبان، وفاقی وزرائ، سرکاری اتے نجی تحقیقی اداریاں دے نمائندے اتے بئے سانجھے دار پا کستان اچ چین دے سفیر اتے چینی کمپنیاںدے سربراہان اتے نمائندے اہم ترین ڈو ڈینھ دی کانفرنس اچ خصوصی طور تے شریک تھیسن۔
ایں سمٹ اچ 8 سیشن ہوسن ، افتتاحی سیشن نال وفاقی وزیر منصوبہ بندی ترقی و اصلاحات پروفیسر احسن اقبال، معاون خصوصی طارق فاطمی، چینی سفیر سن وی ڈانگ، چین اچ پاکستانی سفیر مسعود خالد، مشیر خارجہ سرتاج عزیز، ایگزیکٹو ڈائریکٹر پلاننگ کمیشن اتے سی پیک ڈاکٹر صفدر سہیل، سابق سفیر منیر اکرم، سرمایہ کاری بورڈ، چیئرمین ڈاکٹر مفتاح اسماعیل، وفاقی سیکرٹری پانڑیں تے بجلی محمد یونس ڈھاگہ، نیشنل ہائی وے اتھارٹی دے چیئرمین شاہد تارڑ جڈانجو سمٹ دے اختتامی سیشن نال وزیر خزانہ سینیٹر اسحاق ڈار، چارہے صوبیاں دے وزرائے اعلیٰ پرویز خٹک، شہباز شریف، ثناء اللہ زہری، سید مراد علی شاہ، راجہ فاروق حیدر خان اتے حافظ حفیظ الرحمان وی سی پیک منصوبے بارے لوکیں کوں ڈسیسن۔
