کیڈ ڈویژن سانگے ہک ارب 88 کروڑ 78 لکھ روپے جاری

اسلام آباد (پاکستان نیوزپوائنٹ18اکتوبر2017ء) وزارت منصوبہ بندی ترقی تے اصلاحات سرکاری شعبے دے ترقیاتی پروگرام اچ کیڈ ڈویژن سانگے ہک ارب 88کروڑ 78لکھ روپے توں ودھ دے فنڈز جاری کر ڈتے ہن حکومت ایں ڈویژن دے ترقیاتی منصوبیں سانگے مجموعی طور تے 5ارب18کروڑ تے 84لکھ توں ودھ دے فنڈز رکھیے ہن ۔ پلاننگ کمیشن دے جاری اعداد وشمار دے مطابق حکومت اسلام آباد وزیر اعظم پروگرام دے تحت 200سکولاں دی اپ گریڈیشن اتے تزئین وآرائش سانگے ہک ارب 74کروڑ 20لکھ ، اسلام آباد اچ نیشنل سپیشل ایجوکیشن سنٹر دی اپ گریڈیشن سانگے 51لکھ، ایف الیون ون اچ ہوم اکنامکس کالج سانگے 5کروڑ، کھنہ ڈاک اچ گرلز سکول دی تعمیر سانگے 72 لکھ ، پولی کلینک اچ تعمیراتی کماںسانگے ہک کروڑ 20لکھ روپے سمیت مختلف ترقیاتی منصوبیں سانگے فنڈز جاری کر ڈتے ہن ۔