اسلام آباد (پاکستان نیوزپوائنٹ17اکتوبر2017ء) ملک اچ نویاں حلقہ بندیاں سانگے نویں انتخابی رولز اچ تجویز کیتا گیا ہے جو قومی تے صوبائی اسمبلیاں دیاں حلقہ بندیاں سانگے صوبائی تے وفاق دی سطح تے کمیٹیاں بنڑایاں ویسن ۔ الیکشن کمیشن دے مجوزہ انتخابی رولز دے مطابق ہر صوبے سانگے گھٹ توں گھٹ ترائے افسراں دے مشتمل حلقہ بندی کمیٹی تشکیل ڈتی ویسی جیں اچ ہک افسر کنوینئر ہو سی جیرھا جو قومی اسمبلی اتے صوبائی اسمبلیاں دے حلقے دی تجویز دے ڈرافٹ بنڑیسی ۔
ایندے علاوہ وفاقی دارالحکومت اسلام آباد اتے فاٹا سانگے ہک کمیٹی بنڑائی ویسی اے کمیٹی اسلام آباد تے فاٹا دے حلقے سانگے ڈرافٹ بنڑیسی۔ ہک حلقہ ہک ضلع توں ودھ علاقہ تے مشتمل کائناں ہوسی تاں کو کہیں خصوصی کہیں اچ اینویں تھی سگسی ۔ہک صوبہ اچ ہک حلقہ دی آبادی ڈوجھے حلقے توں 10فیصد توں ودھ کائناں ہوسی ۔کمیٹی انہاں حلقہ بندیاں دے ڈرافٹ دی تشکیل سانگے وفاقی ،صوبائی اسمبلیاں تے ضلع حکومت دے حکام توں مدد گھنسن ۔انہاں حلقہ بندیاں تے اعتراضات وی داخل کرائے ویسن جیں کوں کمیشن باقاعدہ سماعت دے بعد انہاں تے فیصلہ ڈیسی ۔
