اسلام آباد (پاکستان نیوز پوائنٹ 26اگست 2016ء) وزیر اعظم نواز شریف پورے ملک اچ 110ارب روپے دی لاگت نال 39جدید ترین ہسپتال بنڑاونڑ دی اصولی منظوری ڈے ڈتی اے۔وزیر اعظم محمد نواز شریف کوںجمعہ کوں ایوان وزیر اعظم اچ ملک دے طو ل و عرض اچ وزیر اعظم دے صحت عامہ دے چنگے ڈھانچے دے اقدامات بارے جامع بریفنگ ڈتی گئی۔وزیر اعظم محمد نوازشریف کوں آباد ہسپتالاں اچ بستریاں دی شرح اتے مریضاں دی سہولتاں سانگے دستیابی دے تناظر اچ ملک اچ صحت عامہ دی بنیادی سہولت بارے ڈسایا گئیا جو پاکستان اچ ہک ہزار لوکاں سانگے بستریاں دی شرح 1970اچ0:5 ،2005،2015اچ 0:7،0:61 ہئی جڈانجو 2016اچ 0:62اے ۔
وزیراعظم اسلام آباد اچ چھی چھی سو بستریاں دی گنجائش آلے ہسپتالاں دی تعمیر توں انج پورے ملک اچ 500بستریاں دے 10اتے250بستریاں دے 20ہسپتالاں دی منظوری ڈتی گئی اے۔وزیر اعظم ،راولپنڈی اچ اوبسٹیٹرکس اینڈ گائنا کالوجی ہسپتا تے کم دی بحالی دی وی ہدایت کیتی اے جیڑھے جو صوبیاں کوں اختیارات دی منتقلی دی بناء تے 2011ء اچ روک ڈتا ہئی ۔انہاں ہدایت کیتی جو وفاقی حکومت ایں ہسپتال دے ڈھانچے کوں پورا کرے اتے چلاوے جڈانجو18مہینیاں دے اندر ہسپتال دی تکمیل سانگے فنڈز رکھنڑ دی وی منطوری ڈے سگے ایں توں انج وفاقی دارالحکومت اچ بئے ڈو ہسپتالاں سانگے مجوزہ جہیں دی وی اصولی منطوری ڈتی گئی ۔
انہاں ہدایت کیتی جو آزاد کشمیر اتے گلگت بلتستان اچ 100بستریاں دے چار توں پنج ہسپتال پورے کیتے ونجن ۔اجلاس کوں ڈسایا گئیا جو 39ہسپتال بنڑاونڑ سانگے 110ارب روپے لاگت امسی۔
