اسلام آباد (پاکستان نیوز پوائنٹ 26اگست 2016ء) وزیراعظم دے نیشنل ہیلتھ انشورنس پروگرام نال سکردو، کھرمنگ اتے شگر دے 28 ہزار 400 خاندان فائدہ چیسن ، پروگرام دے تحت داخلی امراض دے علاج ،جنہاں اچ بائی پاس، انجیو پلاسٹی، سڑ ونجنڑ آلے لوکاں ، حادثیں ،کینسرتے ذیابیطس دے مریضاں سانگے انسولین شامل ہے ،سانگے250,000روپے فی خاندان سالانہ خرچ کیتے ویسن جڈاں جو بالاں اچ بیماریاں ، زچگی ، سرجیکل تے بیاں بیماریاں دا علاج کیتا ویسی جنہاں دی لاگت50,000روپے فی خاندان سالانہ ہوسی۔
ایں پروگرام دی افتتاحی تقریب گزریل ڈینھ سکر دو اچ تھی ۔ ایں موقع تے ایڈیشنل سیکرٹری وزارت نیشنل ہیلتھ سروسز، ریگولیشنز اینڈ کوارڈینیشن ڈاکٹر ہاشم پوپلزئی وزیر قومی صحت سائرہ افضل تارڑ دا سنھیا پڑھ تے سنڑایا ۔ ایں پروگرام دے نال سکردو، کھرمنگ اتے شگر دے 28 ہزار 400 خانداناں کوں اے سہولت ملسی ۔ انہاں جملہ بیماریاں سانگے فنڈ وفاقی حکومت ادا کریسی۔
