اسلام آباد (پاکستان نیوز پوائنٹ 25اگست 2016ء) سینیٹ دی قائمہ کمیٹی برائے دفاع تے خارجہ اموردے سانجھے اجلاس کوں ڈسایا گئیا جو پاک افغان سرحدی انتظام دے تحت سلامتی کوں موثر بنڑاونڑ سانگے فرنٹیئر کانسٹیبلری (ایف سی) دے 72ونگز بنڑائے ویندے پئن ،طورخم دے بعد چمن بارڈر سمیت 4وڈے کراسنگ پوائنٹس تے نقل و حرکت دی نگرانی سانگے پاکستان آلے پاسے کم جاری اے،پاک افغان سرھد تے پاکستان دی حدود اچ 6پوسٹاں قائم ہن جڈانجو افغانستان اچ صرف ہک پوسٹ اے،ملکی دفاعی لوڑھ بارے جانڑدے ہیسے انہاں کوں پورا کرنڑ سانگے سارے آپشنز تے غور کریندے پیسے جئیں سانگے مختلف ملکاں نال گالھ مہاڑ جاری اے،کہیں افغان شہری کوں دستاویزات دے رلے اتے جائز کم سانگے آونڑ توں کائنا روکیا ویسی جڈانجو بغیر سفری دستاویزات اتے بدامنی کرنڑ آلیاں دا رستہ یکا سانگے بند کریندے پیسے۔
سینیٹ دی قائمہ کمیٹی برائے دفاع تے خارجہ امور دا سانجھا اجلاس سینیٹر مشاہد حسین سید اتے سینیٹر نزہت یاسمین دی صدارت اچ پارلیمنٹ ہائوس اچ تھیا۔ وزیر اعظم دے مشیر برائے خارجہ امور سرتاج عزیز، سیکرٹری خارجہ اعزازاحمد چوہدری، وزارت دفاع دے قائم مقام سیکرٹری ریئر ایڈمرل مختارخان دے علاوہ وزارت دفاع اتے وزارت خارجہ دے بئے حکام اتے ڈوہاں کمیٹیاں دے ممبر ایں موقع تے موجود ہن ۔
