اسلام آباد (پاکستان نیوز پوائنٹ 25اگست 2016ء) سپیکر قومی اسمبلی سردارایاز صادق آکھیا جو پاکستان اتے ترکی وچال تریخی یاری اے،ڈوہاں ملکاں دی یاری ہر آزمائش تے یکا پورا لتھی اے،ترکی ہر اوکھے ویلھے پاکستان دا ساتھ ڈتے۔اے گالھیان انہاں پاکستان اچ لگیے ترکی دے سفیر جرجن بابر صادق نال ملاقات اچ گالھ مہاڑ کریندیں ہوئیں آکھی جنہاں خمیس کوں پارلیمنٹ ہائوس اچ انہاں نال ملاقات کیتی۔
سپیکر ڈوہاں برادر اسلامی ملکاں وچال تعلقات کوں بئیا ودھاونڑ سانگے ڈوہاں ملکاں دے پارلیمنٹ دے ارکان وچال رابطیاں کوں ودھاونڑ تے زور ڈتا۔انہاں آکھیا جو ڈوہاں ملکاں دے ارکان پارلیمنٹ خطے دی خوشحالی اتے ترقی اچ اہم کردار نبھا سگدے ہن ۔انہاں آکھیا جو پارلیمانی سفارت کاری نال ڈوہاں ملکاں دے ارکان پارلیمنٹ ہک ڈوجھے دے نقطہ نظر کوں بہوں چنگے طریقے سمجھنڑ اتے ہک ڈوجھے دے تجربات توں فائدہ چاونڑ دے موقع ملسن ۔ترکی دے سفیر آکھیا جو پاکستان اتے ترکی سیاسی سطح تے ہکو جیہے نقطہ نظر دے حامل ہن اتے ڈوہاں برادرانہ ملکاں یکا عالمی علاقائی فورم تے ہک ڈوجھے دی حمایت کیتی اے۔
