اسلام آباد (پاکستان نیوز پوائنٹ 25اگست 2016ء) پاکستان توں افغان مہاجرین دی واپسی داسلسلہ جاری ہے، بدھ کوں 2ہزار649 بندے واپس افغانستان واپس پج گئے ہن، واپس ونجنڑ آلے والے بندیاں کوں یو این ایچ سی آر ولوں فی کس400 امریکی ڈالر ڈتے ویندے پن ۔ خمیس کوں یواین ایچ سی آر دے جاری اعدادوشمار دے مطابق پاکستان وچوں رجسٹرڈ غیررجسٹرڈ افغان مہاجرین دی واپسی دا سلسلہ جاری ہے۔
گزریل ڈینھ2 ہزار649 بندے واپس افغانستان پج گئے ہن، ہنڑ تئیں کل63 ہزار634 بندے واپس افغانستان پج گئے ہن جنہاں وچ صوبہ خیبرپختونخوا توں 48 ہزار، بلوچستان توں 4600، سندھ توں 8 ہزار، پنجاب توں ہک ہزار اتے آزاد کشمیر توں128 بندے واپس پج گئے ہن۔ رپورٹ دے مطابق افغانستان پج ونجنڑ آلے بندیاں کوں ورلڈ فوڈ پروگرام دے تحت مفت خوراک فراہم کیتی ویندی پئی ہے۔ واضح رہوے جو حکومت پاکستان رجسٹرڈ افغان مہاجرین دی پاکستان وچ قیام دی مدت وچ31 دسمبر2016ءتئیں ڈتی ہے،ایندے بعد قیام دی مدت وچ ودھارا کائناں کیتا ویسی ۔
