اسلام آباد (پاکستان نیوز پوائنٹ 24اگست 2016ء) وزیراعظم محمد نواز شریف زیر اعظم مختلف صوبائی اتے وفاقی ایجنسیاں ولوں نیشنل ایکشن پلان تے عملدرآمد اچ پیشررفت تے اطمینان کریندیں ہوئیں ایں عمل کوں بئیا تکھا کرنڑ دی ہدایت کیتی اے۔نیشنل ایکشن پلان تے عملدرآمد تے پیشرفت دے جائزے سانگے وزیر اعظم محمد نواز شریف دی صدارت اچ اجلاس وزیر اعظم ہائوس اچ بدھ کوں تھیا۔
اجلاس ایں عزم دا اظہار کیتا جو دہشت گردی دی لعنت دا خاتمہ نہ تاں چوائس اتے نہ ای آپریشن بلکہ اے اساڈے وجود اتے بقاء سانگے ضروری اے۔وزیر اعظم آفس ولوں جاری بیان دے مطابق اجلاس اچ انسداددہشت گردی کوششاں بارے قوانین دے عمل دا وی جائزہ گھدا گئیا۔ قومی سلامتی مشیر اتے نیشنل ایکشن پلان دی عملدرآمدی تے جائزہ کمیٹی دے کنوینئر لیفٹیننٹ جنرل (ر) ناصر خان جنجوعہ ' نیشنل ایکشن پلان دے مختلف عملدرآمد دی صورتحال بارے پریزینٹیشن ڈتی۔۔ اجلاس اچ وزیر خزانہ محمد اسحاق ڈار، وزیر داخلہ چوہدری نثار علی خان، چیف آف آرمی سٹاف جنرل راحیل شریف، وزیراعظم دے مشیر برائے خارجہ امور سرتاج عزیز، ڈی جی آئی ایس آئی لیفٹیننٹ جنرل رضوان اختراتے بئے سینئر حکام شریک تھیے۔
