اسلام آباد (پاکستان نیوز پوائنٹ 24اگست 2016ء) صدر مملکت ممنون حسین آکھیا جو پاکستان ہک اعتدال پسند،امن پسند اسلامی ریاست اے،دنیا اچ پاکستان دی حقیقی تصویر پیش کرنڑ دی لوڑھ اے تانجو پاکستان بارے لوکاں وچال پاتی ونجنڑ آلی غلط فہمیاں دور تھی سگن۔صدر مملکت اے گالھ بدھ کوں باہرلے ملک لگنڑ آلے پاکستان انفارمیشن گروپ دے پریس افسراں نال گالھ مہاڑ کریندیں ہوئیں آکھی۔
صدر مملکت آکھیا جو پریس افسراں پاکستان بارے موثر امیج اتے بیداری پیدا کرنڑ اتے ملک کوں ہک حقیقی جمہوری تے ترقی پسند ملک بنڑاونڑ سانگے آپنڑاں کردار نبھاون۔انہاں آکھیا جو پریس افسر اقتصادی تے سماجی شعبیاں اچ ترقی سانگے پاکستان دی اصل کامیابیاں کوں اجاگر کرن تانجو سرمایہ کار پاکستان آلے پاسے توجہ کرن۔صدر مملکت آکھیا جو اجوکے دور اچ ذرائع ابلاغ دا سفارتکاری اچ وڈا اہم کردار اے اتے ذرائع ابلاغ اہمیت کوں بئیا وددھا ڈتے۔
