اسلام آباد (پاکستان نیوز پوائنٹ 24اگست 2016ء) صدر مملکت ممنون حسین آکھیا جو غیر ملکی سرمایہ کاراں کوں پاکستان اچ سرمایہ کاری دے بہوں موقعیاں توں فائدہ چاونڑاں چاہیدا اے،پاکستان دے ترکی نال برادرانہ تعلقات ہن ،ڈوہاں ملکاں ہر اوکھے ویلھے ہک ڈوجھے دا ساتھ ڈتے۔صدر مملکت اے گالھیں اتھاں ایوان صدر اچ ترک سرمایہ کار کمپنی دے او سی ہولڈنگ دے صدر فتحی کمال ابیکلی اوگلودی قیادت اچ ترکی دے وڈے سرمایہ کار گروپ دے وفد نال بدھ کوں ملاقات کریندیں ہوئیں آکھی۔
ایں موقع تے پاکستان اچ ترکی دے سفیر صادق بابر گرگن وی موجود ہن ۔صدر مملکت آکھیا جو پاکستان اچ امن و امان دی صورتحال چنگی تھئی اے۔حکومت پاکستان اچ سرمایہ کاری کرنڑ آلیاں کوں ساری سہولتاں ڈیندی پئی اے۔وفد دے سربراہ صدر مملکت دا شکریہ ادا کیتا اتے انہاں ترکی دے سرمایہ کاراں کوں پاکستان اچ سرمایہ کاری آلے پاسے توجہ ڈواونڑ تے آپنڑاں کردار نبھاونڑ دا یقین ڈوایا۔
