پاکستان افیون دی پیداوارتوں پاک ملک بنڑ گیا ہے،وفاقی وزیر انسداد منشیات لیفٹیننٹ جنرل (ر) صلاح الدین ترمذی دا ایوان بالا اچ جواب

اسلام آباد (پاکستان نیوزپوائنٹ22ستمبر2017ء) وفاقی وزیر انسداد منشیات لیفٹیننٹ جنرل (ر) صلاح الدین ترمذی آکھیا ہے جو پاکستان افیون دی پیداوار توں پاک ملک بنڑ گیا ہے ،اے این ایف سارے ملک اچ انسداد منشیات سانگے کم کریندی پئی ہے ۔جمعے کوں ایوان بالا اچ سینیٹر احمد حسن دے سوال تے لیفٹیننٹ جنرل (ر) صلاح الدین ترمذی آکھیا جو فاٹااچ بہوں سکیماں 80فیصد تئیں پوریاں تھی گیاں ہن ،باقی 20فیصد سکیماں تے تکھا کم جاری ہے ۔اے این ایف منشیات دی سمگلنگ سانگے کوں روکنڑ سانگے کم کریندی پئی ہے ۔کے پی کے اچ اے این ایف دے ست تھانڑیں ہن جڈاں جو سیکورٹی فورسز وی ایں ضمن اچ کم کریندی پئی ہے ۔