سینیٹ اچ وزیر داخلہ اتے وزیر مملکت داخلہ دی عدم حاضری تے وزارت داخلہ متعلق سارے سوال موخر

اسلام آباد (پاکستان نیوزپوائنٹ22ستمبر2017ء) چیئرمین سینیٹ میاں رضا ربانی وزیر داخلہ اتے وزیر مملکت داخلہ دی ایوان اچ عدم حاضری تے وزارت داخلہ متعلق سارے سوال موخر کر ڈتے ہن۔ چیئرمین سینیٹ میاں رضا ربانی دی زیر صدارت جمعے کوں ایوان بالا د اجلاس مقررہ ویلھے تے شروع تھیا تاں سوالاں دے وقفے اچ شروع دے سوال وزات داخلہ متعلق ہن تے وفاقی وزیر داخلہ یا وزیر مملکت داخلہ توں جواب ڈیونڑ سانگے آکھیا گیا تاں ڈوہیں وزیر ایوان اچ کائناں ہن ۔

جیں تے چیئر مین سینیٹ 15منٹ سانگے ایوان بالا دی کاروائی معطل کر ڈتی ۔بعد اچ چیئر مین ولا کاروائی دا آغاز کیتا ۔چیئر مین ایوان کوں ڈسایا جو اے ایوان بالا ہے وزیر آندے ہی کائنی تاں سوالاں دے جواب کیویں آﺅسن ۔ قائد ایوان راجہ ظفر الحق آکھیا جو اساں تساڈا احترام کریندوں، وزیراں کوں ہک مہلت ڈتی ونجے جیں تے چیئر مین سینیٹ وزارت داخلہ متعلق سارے سوال موخر کر ڈتے ۔