غیرملکی سرمایہ کاراں کوں پاکستان اچ سرمایہ کاری دے ودھ سارے موقع توں ودھ فائدہ چاونڑاں چاہیدے پاکستان دے ترکی نال برادرانہ تعلقات ہن،

اسلام آباد(پاکستان نیوز پوائنٹ 24اگست 2016ء) صدر مملکت ممنون حسین آکھیا ہے جو پاکستان اچ سرمایہ کاری دے ودھ سارے موقع موجود ہن جیں نال بین الاقوامی سرمایہ کاراں کوں ودھ توں ودھ فائدہ چاونڑاں چاہیدے۔ صدر مملکت انہاںخیالاں دا اظہار اتھاں ایوان صدر اچ ترک سرمایہ کار کمپنی دے او سی ہولڈنگ دے صدر فتحی کمال ابیکلی اوگلو دی قیادت اچ ترکی دے وڈے سرمایہ کار گروپ دے وفد نال بدھ کوں ملاقات دے دوران کیتا ۔

ایں موقع تے پاکستان اچ ترکی دے سفیر صادق بابر گرگن وی موجود ہن ۔صدر مملکت آکھیا جو پاکستان اچ امن و امان دی صورت حال چنگی تھی گی ہے ،حکومت پاکستان اچ سرمایہ کاری کرنڑ آلے سرمایہ کاراں کوں ساریاں سہولتاں ڈتیاں ویندیاں پن ایہا وجہ ہے جو بین الاقوامی سرمایہ کار پاکستان اچ اپنڑاں سرمایہ لیندے پے ہن ،ایندے نال پاکستان در زر مبادلہ اچ وی ودھارا تھیا ہے ،اے پاکستان تے اعتماد ادااظہار ہے ۔صدر مملکت آکھیا جو پاکستان تے ترکی نال بھراویں آلے تعلقات ہن اتے ڈوہیں ملکاں ہر اوکھے ویلھے اچ ہک ڈوجھے دا ساتھ ڈتا ہے ۔انہاں آکھیا جو ترکی دے سرمایہ کاراں کوں پاکستان اچ ودھ توں ودھ سرمایہ کاری کرنڑیں چاہیدی ہے تاں جو انہاں تعلقات اچ مزید ودھارا تھی سگے ۔