ملک دے مختلف حصیں اچ انسداد پولیو مہم شروع تھی گی

ملک دے مختلف حصیں اچ انسداد پولیو مہم شروع تھی گی

اسلام آباد (پاکستان نیوزپوائنٹ18ستمبر2017ء) ملک دیاں مختلف جہیں تے انسداد پولیو مہم شروع کر ڈتی گی ۔ پنجاب اچ چار ڈینہاں دی انسداد پولیو مہم سرگودھا، ملتان، لودھراں، وہاڑی، خانیوال، حافظ آباد اتے راجن پوردے ضلعیں اچ شروع تھی گی ہے ۔کے پی کے اچ پولیو مہم دے دوران 66لکھ توں ودھ بالاں کوں مہلک بیماری توں بچاونڑ دے قطرے پلائے ویسن ۔بلوچستان اچ 5سال دی عمر دے 24لکھ بالاں کوں تے گلگت اچ دو لکھ تے 43ہزار توں ودھ بالاں کوں انسداد پولیو دے قطرے پلائے ویسن کشمیر اچ مجموعی طور تے 7لکھ 48ہزار بالاں کوں پولیو دے قطرے پلائے ویسن ۔کہیں وی ناخوشگوار واقعے توں بچنڑ سانگے سیکورٹی دا چنگاں انتظام کیتا گیا ہے ۔