حکومت افغانستان سمیت خطہ دے ملکاں نال تجارت ودھاونڑ سانگے پر عزم اے،وفاقی وزیر تجارت انجینئر خرم دستگیر دی صحافیاں نال گالھ مہاڑ

اسلام آباد (پاکستان نیوز پوائنٹ 23اگست 2016ء) وفاقی وزیر تجارت انجینئر خرم دستگیرآکھیا جو حکومت افغانستان سمیت خطہ دے ملکاں نال تجارت ودھاونڑ سانگے پر عزم اے۔اے گالھیں انہاں پارلیمنٹ ہائوس دے باہر میڈیا نال گالھ مہاڑ کریندیں ہوئیں آکھی۔انہاں آکھیا جو افغانستان نال تجارت ودھاونڑ اتے سارے ایشوز کوں حل کرنڑ سانگے اقدامات کیتے گئن جئیں نال 2015-16ء اچ ٹرانزٹ ٹریڈ اچ ودھارا تھیے۔

انہاں آکھیا جو حکومت برآمدکنندگان کوں سٹریٹجک ٹریڈ فریم ورک دے ذریعے سہولتاں ڈتین تانجو او عالمی منڈیاں تئیں رسائی گھن سگن ۔ایں توں پہلے وفاقی وزیر تجارت انجینئر خرم دستگیر ،سینیٹ دی قائمہ کمیٹی برائے تجارت کوں ڈسایا جو وزیر اعظم دی ہدایت تے 10ہزار میٹرک وائٹ رائس لمبے چاول چین اچ ہنگامی صورتحال پاروں تحفہ دے طور برآمد کیتے گئن ۔سینیٹ دی قائمہ کمیٹی برائے تجارت دا اجلاس کمیٹی دے چیئرمین چیئرمین سینیٹر سید شبلی فراز دی صدارت اچ پارلیمنٹ ہائوس اچ تھیا۔