اسلام آباد (پاکستان نیوزپوائنٹ13ستمبر2017ء) قومی اسمبلی کارہائے منصبی‘ اختیارات‘ قیود تے شرائط بل تے غور اپوزیشن دی درخواست تے موخر کرڈتا۔ بدھ کوں قومی اسمبلی اچ قائد حزب اختلاف سید خورشید احمد شاہ آکھیا جو محاسب اعلیٰ دے کار ہائے منصبی ، اختیارات‘ قیود تے شرائط دا تعلق پی اے سی توں ہے۔ ایں کوں ملتوی کیتا ونجے ۔ پارلیمانی سیکرٹری رانا محمد افضل خان آکھیا جو قائد حزب اختلاف دا اساکوں بہوں احترام ہے ۔
وزیر قانون آکھیا جو بل کمیٹی توں تھی تے آیا ہے تے آئین اتے قانون دے مطابق ہے۔ ڈاکٹر نفیسہ شاہ‘ سید غلام مصطفی شاہ‘ عبدالرشید گوڈیل جائزہ گھن چکے ہن۔ نوید قمرآکھیا جو بل تے کمیٹی دی رپورٹ اچ کجھ امور شامل کائنی ۔ قائد حزب اختلاف دی درخواست جائز ہے‘ بل کوں ملتوی کیتا ونجے ۔ وزیر قانون زاہد حامد آکھیا جو بل کوں ملتوی کر ڈتاونجے ۔
