کراچی وچ زندگی روزانہ وانگوں معمول دے مطابق چلدی پئی ہے

کراچی (پاکستان نیوز پوائنٹ 23اگست 2016ء) کراچی وچ روز مرہ زندگی معمول دے مطابق چلدی پئی ہے۔ منگل کوں سارے تعلیمی ادارے ،کاروباری مراکز، ہوٹلاں، دفتراں، پٹرول پمپس اتے بئے عوامی مرکز معمول دے مطابق کھلے رہے۔ سویر ویلھے شہر دیاں ساریاں سڑکاں تے ٹرانسپورٹ اتے روزمرہ زندگی رواں دواں نظر آئی۔ کہیں وی ناخوشگوار واقعے نال وختی نبڑن سانگے پولیس اتے رینجرز دیاں گاڈیاں شہر دے مختلف علاقیاں دا گشت کریندیاں رہیاں۔واضح رہوے جو سونوار کوں کجھ نجی ٹی وی چینلاں دے دفتر اں تے شر پسند عناصرولوں فائرنگ، جلاﺅ گھیراﺅ اتے تروڑ پھروڑدے واقعات دے بعد شہر دے ہک علاقے دی صورتحال کشیدہ تھی گئی ہائی۔