اسلام آباد (پاکستان نیوز پوائنٹ 23اگست 2016ء) معروف تجزیہ کا ر حسن عسکری آکھیا اے جو ایم کیو ایم دے رہنماواں ولوں صفائیاں پیش کرنڑ نال مسئلہ کائناں مکسی،ایم کیو ایم دی قیادت کوں خود بہہ تے پارٹی کوں چلاونڑ دا طریقہ کار طے کرنڑ پوسی ۔نجی ٹی وی چینل نال گالھ مہاڑکریندے ہوئیں انھاں آکھیا جو کراچی وچ میڈیا ہاﺅسز تے حملیاں دے واضح ثبوت ملیے ہن ۔
ایم کیو ایم دی قیادت کوں خود بہہ تے ا یہ فیصلہ کرنڑاں پوسی جو پارٹی کوں کیویں چلاونڑاں ہے ، انھاں آکھیا جو ہنڑ وقت کائنی جوماضی آلی کار قوت دا مظاہرہ کر تے پارٹی کوں چلایا ونج سگے ۔ایم کیو ایم سیا سی پارٹی ہے اتے ایندا اپنڑاں ووٹ بینک ہے ہنڑ اینکوں تشدد دی راہ چھوڑن پوسی اتے انہاںعناصر توں وی جان چھڑاونڑ پوسی جیندے نال ایکوں نقصان پجدا پئے ۔
انھاں آکھیا جو ہنڑ پارٹی دے اندر بنیادی تبدیلیاں دا ایلھا آگئے۔حسن عسکری آکھیا جو ایم کیو ایم دی قیادت تبدیل کیتے بغیر ایں صورتحال توں باہر نی نکل سگدی۔ انھاں آکھیا جو گزریل ڈینھ پیش آونڑ آلے واقعے دے بعد ایجھے بیان سنڑ تے افسوس تھیندا ہے جیندے وچ میڈیا تے آونڑ آلے ایم کیو ایم دے کجھ رہنما آکھدے ہن جو اساڈے نال زیادتی تھیندی پئی ہے ۔ انھاں آکھیا جو کہیں دی گالھ نہ منڑ اتے قوت دے مظاہرے تے یقین رکھنڑ نا مناسب عمل ہے ،ایم کیو ایم کوں سیا سی میدان وچ رہونڑ سانگے اپنڑی قیادت وچ بنیادی تبدیلی گھن آونڑاں پوسی۔
