اسلام آباد (پاکستان نیوز پوائنٹ 23اگست 2016ء) پاکستان نیوکلیئر سپلائر گروپ دی رکنیت سانگے بیلاروس تے قزاخستان توں حمایت طلب کریسی۔ ترجمان دفتر خارجہ ولوں منگل کوں جاری بیان دے مطابق ایں سلسلے اچ وزیراعظم دے معاون خصوصی خارجہ امور طارق فاطمی وزیراعظم دے خصوصی نمائندے دی حیثیت نال 23 توں 27 اگست تئیں بیلاروس تے قراخستان دا دورہ کریسن۔وزیراعظم نوازشریف دے خط بیلاروس دے صدر الیگزینڈرلوکاشنکو تے قزاخستان دے صدر نور سلطان نذربایوف دے حوالے کریسن۔
انہاں خط اچ وزیراعظم نیوکلیئر سپلائر گروپس تے جوہری عدم پھیلاﺅ معاہدے (این پی ٹی) تے دستخط نہ کرنڑ آلے ملکاں سانگے رکنیت دے معاملے تے غیر امتیازی سوچ دی ضرورت تے زور ڈتا ہے۔بیلا روس دے صدر نال ملاقات دے علاوہ طارق فاطمی وزیر خارجہ ولادی میر میکائی ،نائب وزیر خارجہ تے وزیر صنعت نال وی ملاقات کریسن ۔او قزاخستان اچ وزیر خارجہ تے نائب وزیر خارجہ نال ملاقاتاں کریسن ۔
