حضرت با با بلھے شاہ ؒدے 259ویں عرس دیاں تقریباں 25اگست کوں شروع تھیسن

قصور(پاکستان نیوز پوائنٹ 22اگست 2016ء) حضرت بابابلھے شاہؒدے 259ویں 3 ڈینہاں دے عرس دے حوالے نال فول پروف سیکورٹی دے انتظامات پورے کر گھدے گے ہن ،ڈی پی او قصور ناصر رضوی محکمہ اوقاف دے افسراں ،ضلعی انتظامیہ ،امور مذہبی کمیٹی دے ارکاناں نال گالھ مہاڑ کریندے ہوئیں ڈسایا جو حضرت بابال بلھے شاہ ؒدے 259ویں عرس دیاں تقریباں 25اگست توں شروع تھی تے 27اگست تئیں جاری رہسن ۔انہاں ڈینہاں اچ زائرین دی حفاظت سانگے 1 ایس پی ‘2ڈی ایس پی ‘12انسپکٹرزسمیت ہک ہزار پولیس اہلکاراڈیوٹیاں ڈیسن‘سکیورٹی سانگے سی سی ٹی وی کیمرے تے واک تھرو گیٹس لاتے ویسن جڈاں جو میٹل ڈیٹیکٹردے ذریعے سارے زائرین دی چیکنگ کیتی ویسی۔