لہور ہائیکورٹ اورنج لائن ٹرین منصوبے دے رستے اچ یاہراں تریخی عمارتاں دے آسے پاسے جاری تعمیراتی کماں کوں روکنڑ دا حکم ڈے ڈتے

حکومت کوںتریخی عمارتاں اتے قومی ورثے کوں تحفظ ڈیونڑ کیتے آزاد تے خود مختار ماہراں تقرر کرنڑ دی ہدایت

لہور ہائیکورٹ اورنج لائن ٹرین منصوبے دے رستے اچ یاہراں تریخی عمارتاں دے آسے پاسے جاری تعمیراتی کماں کوں روکنڑ دا حکم ڈے ڈتے 
 حکومت کوںتریخی عمارتاں اتے قومی ورثے کوں تحفظ ڈیونڑ کیتے آزاد تے خود مختار ماہراں تقرر کرنڑ دی ہدایت

لاہور(پاکستان نیوز پوائنٹ 19اگست 2016ء) لہور ہائیکورٹ دے مسٹر جسٹس عابد عزیز شیخ اتے مسٹرجسٹس شاہد کریم تے مشتمل ڈو رکنی بینچ اورنج لائن ٹرین منصوبیدے خلاف اتے لہور شہر دیاں یاہراں تریخی عمارتاں تے مشتمل ،شالیمار گارڈن، گلابی باغ گیٹ وے، بدھومقبرہ، چوبرجی ، زیب النساء مقبرہ ، لکشمی بلڈنگ جنرل پوسٹ آفس ، ایوان اوقاف ، سپریم کورٹ رجسٹری بلڈنگ ، سینڈ اینڈریو چرچ ، بابا موج دریا دربا رو مسجد دے 200فٹ دے احاطے اچ میٹرو ٹرین دی تعمیر روکنڑبارے محمد کامل ممتاز خان، ڈاکٹر اعجاز انور سمیت بیاں سول سوسا ئٹی ولوں دائرتھیونڑآلیاں درخواستاں تے اورنج لائن ٹرین منصوبے دے رستے اچ انہاں یاہراں تریخی عمارتاں دے آسے پاسے جاری تعمیراتی کماں بارے متعلقہ اداریاں دے جاری کیتے گئے این او سی کوں منسوخ کریندے ہوئیں انہاں جاہیں دے آسے پاسے ڈو سو فٹ دے اندر تعمیراتی کماں کوں روکنڑ دا حکم ڈے ڈتے ۔

عدالت جمعے کوں دائر درخواستاں کوں نبڑیندے ہوئیں آپنڑیں جاری فیصلے اچ حکومت کوں ہدایت کیتی ہے جو اورنج لائن ٹرین منصوبے اچ جاری تعمیراتی عمل اچ تریخی عمارتاں اتے قومی ورثے کوں تحفظ ڈیونڑ کیتے آزاد و خود مختار ماہراں دا تقرر کرے جیہڑے جو یو نیسکو دی تریخی عمارتاں اتے قومی ورثہ کوں تحفظ ڈیونڑ بارے جاری رپورٹ دی روشنی اچ ہک نواں طریقہ کار تیار کرے تانجو قومی ورثے کوں نقصان نہ پج سگے اتے ایندا تحفظ تھی سگے ۔