اسلام آباد (پاکستان نیوزپوائنٹ17اگست2017ء) پاک فضائیہ دا ایف سیون پی جی طیارہ سرگودھا اچ ڈھہہ تے تباہ تھی گیا تے ایندے اچ سوار پائلٹ ودھ سارا زخمی تھی گیا۔نجی نیوز چینل پاک فضائیہ دے حوالے نال ڈسایا جو پاک فضائیہ دا ایف سیون طیارہ معمول دے اپریشنل تربیتی مشن تے ہئی جو اچانک سرگودھا دے علاقے بھاگٹانوالہ اچ رڑھ اچ ڈھہہ تے تباہ تھی گیا جیں پاروں پائلٹ ودھ سارا زخمی تھی گیا ۔
پاک فضائیہ دے مطابق پائلٹ طیارے اچ تھیونڑ آلی فنی خرابی توں کنٹرول سنٹر کوں ڈسایاڈتا ہئی تے طیارے دے ڈھنڑ توں پہلے ایندے اچ نکل گیا جیں کوںپی ایف بیس دے ہسپتال اچ ابتدائی طبی امداد ڈتی ویندی پئی ہے ۔ڈوجھے پاسے پولیس اتے حساس ادارے دے اہلکارموقع تے پج تے انہاں وقوعے دی جاہ کوں ولا ڈے تے تحقیقات داآغاز کر ڈتا۔
