اسلام آباد (پاکستان نیوز پوائنٹ 19اگست 2016ء) وفاقی وزیر پانڑیں تے بجلی خواجہ محمد آصف آکھیا ہے جو ملک ا چ لوڈشیڈنگ اچ چنگی گھٹکی تھی ہے ،جیرھے علاقیاں اچ بجلی ودھ چور ی تھیندی ہے تے عدم ادائیگیاں ہن اتھاں لوڈشیڈنگ وی زیادہ کیتی ویندی ہے۔جمعے کوں ہک انٹر ویو ڈیندے ہوئیں انہاں آکھیا جو اساں ملک توں بجلی بحران دے خاتمے سانگے کم کریندے پیوں ،2018دے انتخابات توں پہلے ملک اچ لوڈشیڈنگ دا خاتمہ کر ڈتا ویسی ۔
انہاں آکھیا جو پاکستان مسلم لیگ ن دی حکومت اپنڑی مدت پوری کریسی ،مسلم لیگ ن او جماعت ہے جیرھی ملک کوں ترقی تے خوشحالی دے رستے تے گھن تے ونج سگدی ہے ۔جیں دے ثبوت سامنڑے آئے ہن ،انہاں آکھیا جو موجودہ حکومت دیاں چنگیاں پالیسیاں نال معیشت چنگی تھیندی پئی ہے جیں کوں عالمی ادارے وی منیندے پئے ہن ۔
