اسلام آباد (پاکستان نیوز پوائنٹ 19اگست 2016ء) بین الاقوامی حالات دی ماہر ڈاکٹر نور فاطمہ آکھیا ہے جو پاکستانی تعلیمی اداریں اچ چینی بول چال سکھاونڑ نال پاکستانیاں کو ں چین اچ روزگار دے موقع ملسن ۔ ریڈیو پاکستان نال گالھ مہاڑ کریندے ہوئیں انہاں آکھیا جو دنیا اچ تعلقات کوں مزید چنگے بنڑاونڑ سانگے سفارت کاری رابطے دے نال ثقافتی تے اقتصادی ڈپلومیسی کوں شامل کیتا ویندا پے ۔
انہاں آکھیا جو پاکستان مسلم لیگ ن دی موجود ہ حکومت وی چنگے سفارتی ،ثقافتی ،اتے اقتصادی رابطے کوں استعمال کریندے ہوئیں باہرلی دنیا توں اپنڑے تعلقات دے ودھارا ڈیندی پئی ہے ،انہاں آکھیا جو پاک چین اقتصادی راہداری منصوبہ ترقی دا سنگ میل ہے ایں منصوبے دے پورا تھیونڑ نال بے روزگار نینگراں سانگے تکنیکی روزگار دے موقع پیدا تھیسن تے ملک اچوں بے روزگاری دا خاتمہ تھیسی۔
