اسلام آباد (پاکستان نیوز پوائنٹ 18اگست 2016ء) وفاقی وزیر موسمیاتی تبدیلی زاہد حامد آکھے جو پاکستان ماحولیات بارے ایں سال نومبر اچ کانفرنس آف پارٹیز سی او پی 22 اچ بھرپور اتے فعال شرکت کریسی ۔ او خمیس کوں سی او پی 22 دی تیاریاں بارے تھیونڑآلے اجلاس دی صدارت کریندے پئے ہن ۔ پاکستان اچ فرانس دی سفیر مارٹین ڈارنس، مراکش دے سفیر مصطفٰی صلاح دین، ادارہ تحفظ ماحولیات پنجاب، یو این ڈی پی، وزارت پانڑیں تے بجلی، وزارت خزانہ، وزارت موسمیاتی تبدیلی، صوبائی ڈیزاسٹر مینجمنٹ اتھارٹی خیبرپختونخوا، ادارہ تحفظ ماحولیات سندھ، وزارت خارجہ امور، نیشنل یونیورسٹی آف سائنس ٹیکنالوجی، قائداعظم یونیورسٹی اسلام آباد، ایس ڈی پی آئی، انٹرنیشنل یونین آف کنزرویشن آف نیچر اتے محکمہ موسمیات پاکستان دے نمائندیاں اجلاس اچ شرکت کیتی ۔
ایں مو قعے تے وفاقی وزیر آکھیا جو اساں ویلھے سر اتے تحقیق دی بنیاد تے آئی این ڈی سیز دی تشکیل سانگے ماہراں دی ٹیم بنڑائی ہے ، ایندے نال موسمیاتی تبدیلی دے اثرات کوں گھٹ کرنڑ اتے مطابقت پیدا کرنڑبارے کوششاں اچ مدد ملسی ۔ انہاں آکھیا جو اساکوں کانفرنس آف پارٹیز سی او پی۔21 دے تجربے توں فیدہ چیندے ہوئیں سی او پی۔22 اچ فعال شرکت کرنڑیں ہوسی ۔
