بلوچستان دے ضلعے چمن تے پشین دے علاقیں اچ زلزلے دے جھٹکے

اسلام آباد (پاکستان نیوز پوائنٹ 18اگست 2016ء) بلوچستان دے ضلعے چمن تے پشین سمیت بئے علاقیاں اچ خمیس دی سویل زلزلے دے جھٹکے محسوس کیتے گے۔ زلزے دی اطلاع ڈیونڑ آلے مرکز دے مطابق زلزلے دی شدت ریکٹر سکیل تے 4.7ہئی ۔زلزلے پاروں لوکاں دی وڈی تعداد کلمہ طیبہ دا ورد کریندے ہوئیں گھراں توں باہر نکل آئے ۔زلزلہ پیما مرکز دے مطابق زلزلے دا مرکز پشین توں 51کلومیٹر مغرب اچ 35کلومیٹر جھکا ہا ،زلزلے نال کہیں مالی یا جانی ضیان دی اطلاع نی ملی ۔