اسلام آباد(پاکستان نیوز پوائنٹ 18اگست 2016ء) پنجاب اسمبلی دے حلقہ پی پی 240 تونسہ شریف اچ ضمنی انتخابات سانگے 128 پولنگ اسٹیشنز اچوں 60کو ں حساس قرا رڈتا گیا ہے۔ پی ٹی وی دے مطابق تونسہ شریف اچ شمعونہ بادشاہ قیصرانی دی نا اہلی پاروں خالی تھیونڑ آلی پنجاب اسمبلی دی سیٹ پی پی 240 میں ضمنی انتخابات سانگے پولنگ دا عمل خمیس کوں سویرے 8وجے شروع کر ڈتا گیا ۔
حلقے اچ رجسٹرڈ ووٹاں دی تعدادہک لکھ 50 ہزار 4 سو ڈاہ ہے پولنگ سانگے 128 پولنگ اسٹیشن قائم کیتے گے ہن جنہاں اچوں60کو ں حساس قرارڈتا گیا ہے۔ مذکورہ الیکشن اچ 11 امیدوار حصہ گھندے پے ہن جیں اچوں #ن لیگ دے سردار ممتاز قیصرانی آزاد امیدوار خواجہ حافظ محمد داود سلیمانی اتے بیر سٹر سردار امام قیصرانی شامل ہن ۔ انتخابی عمل دے دوران امن کوں برقرار رکھنڑ سانگے سکیورٹی دے سخت انتظامات کیتے گے ہن ۔
