وزیراعظم محمد نواز شریف پاکستان دی جونیئر سکواش ٹیم کوں جونیئر ورلڈ سکواش چیمپئن شپ جت ونجنڑ تے مبارخ

اسلام آباد (پاکستان نیوز پوائنٹ 18اگست 2016ء) وزیراعظم محمد نواز شریف پاکستان دی جونیئر سکواش ٹیم کو ں جونیئر ورلڈ سکواش چیمپئن شپ جت ونجنڑ تے دلوں مبارخ ڈتی ہے۔ بدھ کوں وزیراعظم ہاؤس توں جاری بیان دے مطابق وزیراعظم محمد نواز شریف آکھیا جوا ے خوشی دا ویلھا ہے جو اساڈے جونیئر سکواش دا ٹیلنٹ عالمی سطح تے ودھدا پئے۔ انہاں آکھیا جو میکوں امید ہے جوکامیابی داا یہ سلسلہ اتھاں کائناں مکسی بلکہ جونیئر سکواش ٹیم ودھ ساری محنت اتے لگن دے نال کم کریسی تاں جو اساں اپنڑاں سکواش دے میدان وچ ونجایا ہویا ناں ولا حاصل کر سگسوں۔ انہاں ٹیم کوں مبارخ ڈیندے ہوئیںآ کھیا جو او انہاں دے مستقبل دے میچاں سانگے نیک خواہشاں دا اظہار کریندے ہن۔