وزیراعظم محمد نواز شریف پاکستان نیوی وار شپ ٹینکر فلیٹ دی افتتاحی تقریب اچ مہمان خصوصی دی حیثیت نال (کل)جمعہ کوں شرکت کریسن

17 ہزار ٹن وزنی فلیٹ ٹینکر وزارت دفاعی پیداوار اتے پاک بحریہ دے تحت ترکی دے میسرز ایس ٹی ایم دے اشتراک کار نال تعمیر کیتا گیا اے، پاکستان نیوی فلیٹ ٹینکر پاک بحریہ دی لاجسٹک ضروریات پوری کرنڑاچ مدد ڈیسی

وزیراعظم محمد نواز شریف پاکستان نیوی وار شپ ٹینکر فلیٹ دی افتتاحی تقریب اچ مہمان خصوصی دی حیثیت نال (کل)جمعہ کوں شرکت کریسن 
17 ہزار ٹن وزنی فلیٹ ٹینکر وزارت دفاعی پیداوار اتے پاک بحریہ دے تحت ترکی دے میسرز ایس ٹی ایم دے اشتراک کار نال تعمیر کیتا گیا اے، پاکستان نیوی فلیٹ ٹینکر پاک بحریہ دی لاجسٹک ضروریات پوری کرنڑاچ مدد ڈیسی

اسلام آباد(پاکستان نیوز پوائنٹ 18اگست 2016ء) وزیراعظم محمد نواز شریف پاکستان نیوی وار شپ ٹینکر فلیٹ دی افتتاحی تقریب اچ مہمان خصوصی دی حیثیت نال شرکت سانگے (کل) جمعہ کو ں کراچی دا دورہ کریسن۔ اے تقریب کراچی شپ یارڈ اینڈ انجینئرنگ ورکس اچ تھیسی۔ 17 ہزار ٹن وزنی فلیٹ ٹینکر وزارت دفاعی پیداوار اتے پاک بحریہ دے تحت ترکی دے میسرز ایس ٹی ایم دے اشتراک نال تعمیر کیتاگیا اے، پاکستان نیوی فلیٹ ٹینکر پاک بحریہ دی لاجسٹک ضروریات پوری کرنڑاچ مدد ملسی۔

وزیراعظم آفس ولوں جاری بیان دے مطابق اے فلیٹ ٹینکر اتے ترکی نال وسیع تر تعاون اتے خود انحصاری دے حوالہ نال پاکستان دیاں کوششاں دی ہک اہم مثال اے۔ ایں شپ دا ڈیزائن ترکی تیار کیتا اے اتے ایکوں کراچی شپ یارڈ اچ پاکستانی ہنرمند افرادی قوت تعمیر کیتااے جو برادر ممالک دے نال سانجھے منصوبیاں دے ذریعے مقامی طور تے صلاحیت گھننڑدا عمدہ امتزاج اے۔

فلیٹ ٹینکر دا ڈیزائن عصری رجحانات تے مبنی اتے نیول شپس دی درجہ بندی کیتے بیورو ویری ٹاس رولز دے مطابق اے۔ بیان دے مطابق پاکستان اتے ترکی آزمودہ دوست ہن، فلیٹ ٹینکر دی تعمیر سویں سانجھے منصوبے نال سانجھے عقیدے، ورثے اتے فائدے نال گھنڈیے رشتے ودھ گھاٹے تھیسن۔ اے اقدام یقیناً مقامی وار شپ دی تعمیر اتے ڈوجھے دفاعی مصنوعات دے شعبیاں اچ پاک ترک تعاون کیتے بئے موقع پیدا کریسن۔ فلیٹ ٹینکر دی مقررہ مدت نال 2 مہینے پہلے پورے تھیونڑ تے ترکی دی حکومت اتے عوام ولوں یوم آزادی تقریبات دے موقع تے پاکستانی قوم سانگے ہک سوکھڑی اے۔