اسلام آباد (پاکستان نیوز پوائنٹ 17اگست 2016ء) چین پاکستان اقتصادی راہداری وزیراعظم نواز شریف اتے اعلیٰ چینی قیادت دی سوچ ہے جیندے تحت چین اتے پاکستان وچال تریخی رابطیاں کوں بحال اتے وسط ایشیا اتے مغربی ایشیا تئیں ودھایا ویسی ، ایں اہم منصوبے دے پورے تھیونڑنال پاکستانی معیشت دی تقدیر وٹیچ ویسی ، راہداری دے مغربی حصے بارے منصوبیاں تے کم تیزی نال تھیندا پئے ۔
اصلاحات اتے جدت آمیزی ایشیائی ذرائع ہن جنہاں نال معیشت کوں وڈی ترقی ونج سگدی ہے ، اے ودھدی ہوئی آبادی کیتے روزگار دے موقعے پیدا تھی سگدے ہن ۔ چین پاکستان اقتصادی راہداری نال ملک دے سارے صوبیاں کوں فیدہ تھیسی جڈانجو بلوچستان خیبر پختونخوا اتے فاٹا کو ں خاص طور تے فیدہ تھیسی ۔ بدھ کوں پلاننگ کمیشن دے حکام اے پی پی کوں ڈسایا جو پاک چین اقتصادی راہداری دے تحت اہم منصوبیاں اچ گوادر پورٹ دا درجہ ودھاونڑ ، گوادر پورٹ ایکسپریس وے ،گوادر انٹرنیشل ائیر پورٹ،اتے کراچی سکھر موڑوے شامل ہن ۔
وفاقی حکومت ایں مالی سال دے دوران چین پاکستان اقتصادی راہداری کیتے سرکاری شعبے دے ترقیاتی پروگرام سانگے ودھ ساری رقم رکھی ہے ۔ حکام ڈسایا جو وفاقی حکومت مالی سال دے بجٹ اچ چین پاکستان اقتصادی راہداری دے منصوبے کوں خصوصی اہمیت ڈیندی پئی ہے تانجو ایندے پورے تھیونڑنال ملک دی ملک دی اقتصادی اتے معاشی ترقی تے خوشحالی دے اہداف اچ مدد حاصل کیتی ونج سگے ۔ راہداری دے مغربی حصے بارے منصوبیاں تے کم تیزی نال جاری ہے جیہرے جو دسمبر 2016 ء تئیں پورے تھی ویسن۔
