اسلام آباد (پاکستان نیوزپوائنٹ 27جولائی2017ء) وفاقی وزیر انسانی حقوق سینیٹر کامران مائیکل آکھیا ہے جو رنگ نسل تے مذہب توں بالاتر تھی تے انسانی حقوق دی پاسداری کرنڑ پاکستان داوطیرہ رہیا ہے ایہا وجہ ہے جوپاکستان اچ ہر بندے کوں انفرادی اتے مذہبی آزادی حاصل ہے، سارے مذہب دے لوک بغیر کہیں ڈر دے مذہبی رسماں ادا کر سگدے ہن۔ خمیس کوں اے پی پی نال گالھ مہاڑ کریندے ہوئیں انہاںآکھیاجو موجودہ حکومت ملک اچ انسانی حقوق دے تحفظ کوں یقینی بنڑاونڑ سانگے چنگیاں کوششاںکریندی پئی ہے ایں سلسلے اچ ہک کڑی فروری 2016اچ انسانی حقوق دے حوالے نال تاریخی نیشنل ایکشن پلان ہے جیں نال سول سوسائٹی سمیت سارے شعبے نال تعلق رکھنڑ آلے لوکاں دی حمایت حاصل ہے ۔
انہاںآکھیا جو انسانی حقوق دے حوالے نال نیشنل کمیشن دا قیام عمل اچ لاتا گیا جیںکوں مئی 2015اچ فعال کیتا گیا جیں دا مقصد پسماندہ تے پسے ہوئے لوکاں دے حقوق دے تحفظ کوں یقینی بنڑاونڑ سانگے عملی اقدامات چاونڑ تے ایں گالھ کوں یقینی بنڑاونڑاں ہے جیویں سارے لوک جیرھے جو مختلف انسانی حقوق دیاں خلاف ورزیاں دا شکار تھے ہن انہاں کوں وختی انصاف ڈتا ونجے ۔
