سابق چیئرمین ایس ای سی پی ظفر حجازی کوں ترائے ڈینھ جسمانی ریمانڈ تے ایف آئی اے دے حوالے کر ڈتا گیا

سابق چیئرمین ایس ای سی پی ظفر حجازی کوں ترائے ڈینھ جسمانی ریمانڈ تے ایف آئی اے دے حوالے کر ڈتا گیا

اسلام آباد (پاکستان نیوزپوائنٹ 26جولائی2017ء) سابق چیئرمین ایس ای سی پی ظفر حجازی کوںترائے ڈینھ دے بئے جسمانی ریمانڈ تے ایف آئی دے حوالے کر ڈتاگے ۔بدھ کوں ایف آئی اے دے ریکارڈ اچ ہیر پھیر دے مقدمے دے ملزم ظفر حجازی کوں چار ڈینھ دے جسمانی ریمانڈ دے مکنڑ تے سینئر سول جج محمد شبیر دی عدالت اچ پیش کر تے ملزم دے بئے جسمانی ریمانڈ دا آکھیا گیا ۔

سماعت دے دوران فاضل جج اے پچھا جو پہلے اے ڈسایا ونجے جو چار ڈینھ دے جسمانی ریمانڈ اچ کیا کجھ پچھ گچھ کیتی گی ہے ۔ایف آئی اے دے تفتیشی افسر ڈسایا جو ملزم ڈو ڈینھ ہسپتال اتے ڈو ڈینھ ایف آئی اے دی تحویل اچ رہیے ۔سماعت دے دوران ظفر حجازی دے وکیل عاضد نفیس دلیل ڈیندے ہوئیں آکھیا جو اصل ملزم ادارے اچ بیٹھے ہن جڈاں جو بے گناہ سزا تلے آیا پے ۔ایف آئی اے کوں جیرھا وی ریکارڈ چاہیدا ہے او ایس ای سی پی ڈے ڈتا ہے عدالت ظفر حجازی دا ترائے ڈینھ دا بیا جسمانی ریمانڈ منظور کریندے ہوئیں انہاں کوں 29جولائی کوں ولا پیش کرنڑ دا حکم ڈتے ۔پیشی توں واپسی تے میڈیا نال الیندے ہوئیں ظفر حجازی آکھیا جو انہاں کوں ایں ویلھے تئیں سمجھ نی آندی جو انہاں کوں کیرھی چیز دی سزا ڈتی ویندی پئی ہے ۔