اسلام آباد(پاکستان نیوز پوائنٹ 17اگست 2016ء) چین پاکستان اقتصادی راہداری دے تحت پورے ملک وچ توانائی دے منصوبیاں تے34ارب 57کروڑ ڈالر خرچ کیتے ویسن ۔ وزارت پانڑیں تے بجلی دے ذرائع دے مطابق کوئلے ، ہوا ، ایل این جی اتے بئے ذرائع نال مجموعی طور تے17 ہزار45 میگاواٹ بجلی پیدا تھیسی۔ ایندے علاوہ بجلی دی ترسیل دے نظام اتے بنیادی ڈھانچے کوں وی چنگا بنڑایا ویسی۔
سندھ وچ توانائی دے منصوبیاں تے12ارب 46کروڑ10 لکھ ڈالر جڈانجو خیبرپختونخوا وچ870 میگاواٹ دے بجلی دے منصوبیاں تے ہک ارب 80 کروڑ 20لکھ ڈالر اتے آزاد کشمیروچ1820میگاواٹ دے بجلی دے منصوبیاں تے4ارب 39کروڑ70 لکھ ڈالر خرچ کیتے ویسن۔ سی پیک دے تحت پورے ملک وچ بجلی دی ترسیل دا نظام چنگابناونڑ سانگے وی بھاری سرمایہ کاری کیتی ویسی۔
