نیپرا ہوا نال بجلی بنڑاونڑدے 50 میگاواٹ دے منصوبے سانگے جنریشن لائسنس جاری کرنڑ دی درخواست منظور کرگھدی

نیپرا ہوا نال بجلی بنڑاونڑدے 50 میگاواٹ دے منصوبے سانگے جنریشن لائسنس جاری کرنڑ دی درخواست منظور کرگھدی

اسلام آباد ۔ 17 اگست (اے پی پی) نیشنل الیکٹرک پاور ریگولیٹری اتھارٹی(نیپرا) ہوا نال بجلی بنڑاونڑ دے50میگاواٹ دے منصوبے سانگے جنریشن لائسنس جاری کرنڑدی درخواست منظور کرگھدی ہے۔ وزارت پانڑیںتے بجلی دے ذرائع مطابق2006ء وچ ایران دی کمپنی سونیئر کو نے جھم پیر وچ 50 میگاواٹ دا منصوبہ لاونڑ وچ دلچسپی دا اظہارکیتا ہا ۔ 2010ء وچ ایران پاک پاور پرائیویٹ لمیٹڈ سندھ سرمایہ کاری بورڈ دے نال ہک مفاہمت دی یاداشت تے دستخط کیتے ہن جیندے بعد سروے اتے زمین دی دستیابی دے عمل داآغاز تھیا، سندھ حکومت 2011ء وچ زمین الاٹ کرڈتی پر زمین دے قبضے اتے بئے معاملیاں کوں حتمی شکل کائناں ڈتی ونج جا سگی ہائی جیندی وجہ نال ا یہ منصوبہ تاخیر دا شکار تھی گیا۔

بعد ازاں اکتوبر2013ء وچ 10 سال دی تاخیردے بعد کمپنی ہنڑ دوبارہ جنریشن لائسنس سانگے درخواست جمع کراڈتی ہے ، منصوبے نال اکتوبر2017ء وچ پیداوار شروع تھیونڑ دا امکان ہے اتے ایندے تے لاگت دا مجموعی تخمینہ 11کروڑ28لکھ ڈالر لاتا گیا ہے۔