لاہور(پاکستان نیوزپوائنٹ 24جولائی2017ء) لاہور ہائیکورٹ دے جسٹس شمس محمود مرزا پانامہ کیس متعلق تھیونڑ آلے ٹاک شوز تے پابندی سانگے دائر درخواست دے قابل سماعت ہوونر یا نہ ہوونڑ متعلق فیصلہ محفوظ کر گھدا، عدالت دے روبرودرخواست گزار شہری امجد فاروق بسمل دے وکیل اے دے ڈوگر موقف اختیار کیتا جو آئین اتے ملکی قانون دے تحت عدلیہ اچ زیر سماعت مقدمہ تے رائے زنی کائنی کیتی ونج سگدی ،انہاں آکھیا جو عدلیہ اچ زیر سماعت مقدمات تے اظہار رائے عدالتی فیصلے تے اثرانداز ہوونڑ تے واضح طور تے توہین عدالت ہے،انہاں دلائل ڈتے جو پیمرا آرڈیننس دے مطابق کہیں وی زیر سماعت مقدمے تے میڈیا اچ رائے ڈیونڑ تے پابندی ہے ،پانامہ کیس اچ پچھلے اٹھ مہینے توں ہک اہم کیس تے روزانہ ٹاک شوز کیتے ویندے ہن،اینکر پرسنز ٹاک شوز اچ جج دا کردار ادا کریندے پے ہن،انہاں استدعا کیتی جو عدالت پیمرا رولز تے عملدرآمد یقینی بنڑاونڑ دا حکم صادر کرے ۔
جیں تے عدالت درخواست دے قابل سماعت ہوونڑ یا نہ ہوونڑ متعلق فیصلہ محفوظ کر گھدا ۔
