گورنرسندھ بدھ کو ںبین الاقوامی مرکز اچ ہک تحقیقی مرکز دا افتتاح کریسن

گورنرسندھ بدھ کو ںبین الاقوامی مرکز اچ ہک تحقیقی مرکز دا افتتاح کریسن

کراچی (پاکستان نیوزپوائنٹ 24جولائی2017ء) گورنرسندھ محمد زبیر بدھ کوں بین الاقوامی مرکز کیمیائی و حیاتیاتی علوم (آئی سی سی بی ایس)جامعہ کراچی اچ سائنو پاکستان ہائبرڈ رائس ریسرچ سینٹر داافتتاح کریسن، سائنو پاکستان تحقیقی مرکز اچ چاولاںتے تحقیق تھیسی۔ اے گالھ آئی سی سی بی ایس جامعہ کراچی دے سربراہ پروفیسر ڈاکٹر محمد اقبال چوہدری ہفتے کو ںبین الاقوامی مرکز اچ ہک اجلاس دے دوران آکھی۔

انھاں آکھیا جو افتتاحی تقریب دا باقاعدہ انعقاد بدھ کوں سویرے 10 وجے بین الاقوامی مرکز دے پروفیسر سلیم الزماں صدیقی آڈیٹوریم اچ تھیسی، جیں اچ گورنرسندھ محمد زبیر خصوصی خطاب کریسن جڈاں جو شیخ الجامعہ کراچی پروفیسر ڈاکٹر محمد اجمل خان، اعلی تعلیمی کمیشن پاکستان دے سابق سربراہ اتے سابق وفاقی وزیر سائنس اتے ٹیکنالوجی پروفیسر ڈاکٹر عطا الرحمن، چینی کونسل جنرل جناب وینگ یو، چینی تحقیقی ادارے چائنا نیشنل رائس ریسرچ انسٹی ٹیوٹ (سی این آرآر آئی) کے ڈائریکٹر جنرل پروفیسر ڈاکٹر چینگ شیہوا اتے آئی سی سی بی ایس جامعہ کراچی دے سربراہ پروفیسر ڈاکٹر محمد اقبال چوہدری وی افتتاحی تقریب توں خطاب کریسن۔