الیکشن کمیشن عمران خان دے خلاف ضابطہ اخلاق کیس دی سماعت 20 ستمبر تئیں ملتوی کر ڈتی

اسلام آباد (پاکستان نیوزپوائنٹ 24جولائی2017ء) الیکشن کمیشن تحریک انصاف دے سربراہ عمران خان دے خلاف ضابطہ اخلاق کیس دی سماعت 20 ستمبر تئیں ملتوی کرڈتی۔ انہاں دے خلاف جہلم اچ این اے 63 اتے ساہیوال اچ این اے 163 دے ضمنی انتخابات دے دوران پابندی دے باوجود جلسے نال خطاب دا الزام ہے ۔ سنوار کوں چیف الیکشن کمشنر جسٹس (ر) سردار محمد رضا دی صدارت اچ پنج رکنی بینچ عمران خان دے خلاف ضابطہ اخلاق خلاف ورزی کیس دی سماعت کیتی جیں تے عمران خان دے وکیل سید علی بخاری دلائل ڈیندے ہوئیں آکھیا ہے جو ضابطہ اخلاق دا اے کیس اسلام آباد ہائی کورٹ اچ زیر سماعت ہے ایں سانگے ایں دا فیصلہ آونڑ تئیں اتھاں سماعت ملتوی کیتی ونجے جیں دے بعد الیکشن کمیشن عمران خان دے خلاف ایں کیس دی سماعت 20 ستمبر تئیں ملتوی کر ڈتی۔