اسلام آباد(پاکستان نیوز پوائنٹ 17اگست 2016ء) وزیر مملکت برائے تعلیم تے تربیت انجینئر بلیغ الرحمان آکھیا اے جو پاک ترک سکولاں دے حوالے نال ترکی دی حکومت دی تشویش اتے مقامی سطح تے انہاں سکولاں دی افادیت کوں مدنظر رکھ تے فیصلہ کریسوں' انہاں سکولاں دے بورڈ آف ڈائریکٹرز وچ ترائے پاکستانی مخیرحضرات وی شامل ہن جیرھے جو کروڑاں روپیاں دے وظائف ڈیندے پن۔
بدھ کوں قومی اسمبلی وچ سوالیں دے وقفے دے دوران بلیغ الرحمان ڈسایا جو ہائیر ایجوکیشن کمیشن دی سطح تے استاداں کوں عالمی سطح تے باقاعدہ ٹریننگ کرائی ویندی ہے ، سارے سرکاری جامعات دی استعداد کار وچ ودھارے سانگے کوشاں ہسے، ایں سال ایندے بجٹ کوں ودھا تے 92 ارب روپے کرڈتا گیا، 25 ہزار نوجواناں کوں سالانہ تربیت ڈیندے پئے ہسے اتے ایں سال توں انہاں دی تعداد 50 ہزار کریسوں۔
انہاں آکھیا جو پاک ترک سکولاں دے حوالے نال ترکی دی تشویش تے حکومت نوٹس گھدا ہے، ترکی دے سفیر کوں وی مشاورتی عمل وچ شامل کیتا گیا ہے۔ انہاں آکھیا جو ترائے سکول پنجاب' 21 سکول فائونڈیشن دے تحت چلدے پن۔ ایہ سیکیورٹیز اینڈ ایکسچینج کمیشن وچ رجسٹرڈ ہے اتے بورڈ آف ڈائریکٹرز وچ ترائے مخیر حضرات وی شامل ہن۔
