اسلام آباد دے تعلیمی اداریاں اچ نویں استاداں دیاں بھرتیاں سانگے اشتہار وختی ڈتا ویسی،

اسلام آباد (پاکستان نیوز پوائنٹ 17اگست 2016ء) وزیر مملکت کیڈ ڈاکٹر طارق فضل چوہدری آکھیا ہے جو اسلام آباد دے تعلیمی اداریاں اچ نویں استاداں دی بھرتی سانگے اشتہار وختی ڈتا ویسی وزیراعظم ایں حوالے نال منظوری ڈے ڈتی ہے ،سائنس پڑھاونڑ آلے استاد وی بھرتی کیتے ویسن ،بدھ کوں قومی اسمبلی اچ سوالاں دے وقفے دے دوران نفیسہ عنایت اللہ خٹک دے سوال دے جوا ب اچ انہاں ڈسایا جو اسلام آباد دے تعلیمی اداریں اچ استاداں دی گھٹکی ہے ،شروع اچ ملازمتاں تے پابندی ہئی ہنڑ وزیر اعظم بھرتیاں دی اجازت دے ڈتی ہے ،وزیراعظم دے اصلاحاتی پروگرام دے تحت سائنس دے مضمون پڑھاونڑ آلے استاداں کوں بھرتی کریسوں ،اگلے کجھ ڈینھ اچ اخباراں اچ اشتہار ڈیند ے پیوں ۔