اسلام آباد (پاکستان نیوز پوائنٹ 17اگست 2016ء) وزیر داخلہ چوہدری نثار علی خان آکھیا ہے جو کراچی اچ لوکاں کوں چاتے ونجنڑ دے حوالے نال صوبائی حکومت توں جواب گھن تے ایوان کوں ڈسایا ویسی ،ڈی جی رینجرز نال وی گالھ کریساں ،تحقیقات وی کرایاں ویسن ،بدھ کوں قومی اسمبلی دے اجلاس اچ ایم کیو ایم دے رکن اقبال محمد خان اعتراض دے نکتے تے آکھیا جو کراچی اچ اساڈے 8کارکناں کوں گزریل ڈینھ چا گھدا گے ،وزیر داخلہ ایند ا نوٹس گھنن جیں تے سپیکر آکھیا جو اے صوبائی معاملہ ہے تے صوبائی حکومت نال گالھ کرن ،اقبال محمد خان آکھیا جو اے تعصبانہ کاروائی ہے ۔
ایندے جواب اچ وزیر داخلہ چوہدری نثار علی خان آکھیا جو فاضل رکن جیرھا کجھ آکھیا ہے اگر او درست ہے تان قابل مذمت ہے ،وزیر داخلہ آکھیا جو کل تئیں دا وقت ڈتا ونجے ،سندھ دی صوبائی حکومت تے ڈی جی رینجرز نال میں خود گالھ کریساں ۔
