چین پاکستان اقتصادی راہداری دے تحت ایل این جی نال 3600 میگاواٹ بجلی پیدا تھیسی،وزارت پانڑی تے بجلی دے ذرائع

اسلام آباد(پاکستان نیوزپوائنٹ 16اگست 2016ء) چین پاکستان اقتصادی راہداری دے تحت ایل این جی نال 3600 میگاواٹ بجلی پیدا تھیسی جڈانجو پورٹ قاسم اتے ساہیوال اچ کوئلہ نال بجلی پیدا کرنڑ دے ڈو منصوبیاں نال 2640میگاواٹ بجلی حاصل تھیسی۔وزارت پانڑی تے بجلی دے ذرائع دے مطابق توانائی دے بحران تے قابو پاونڑ سانگے مختلف منصوبیاں تے کم جاری اے،چشمہ نیوکلیئر پاور پلانٹ نال 600 میگاواٹ، حبکو پاور پراجیکٹ نال 1320 میگاواٹ، جامشورو پاور پراجیکٹ نال 1320 میگاواٹ اتے تھر اچ بجلی بنڑاونڑ دے منصوبے نال 2ہزار میگاواٹ بجلی حاصل تھیسی۔ایندے علاوہ 800میگاواٹ بجلی اتے 900میگاواٹ شمسی توانائی نال حاصل تھیسی۔