اسلام آباد (پاکستان نیوزپوائنٹ 18جولائی2017ء) اقوام متحدہ دے اہتمام نال ماحولیاتی تبدیلیاں دے موضوع تے نینگراں وچال عالمی ویڈیو مقابلہ دے انعقاد سانگے تیاریاں جاری ہن۔ اے مقابلہ ماحولیاتی تبدیلیاں سانگے اقوام متحدہ دے فریم ورک کنونشن، یواین ڈی پی، جی ای ایف سمال گرانٹ پروگرام اتے ٹی وی ای دے مشترکہ تعاون نال تھیسی۔ اقوام متحدہ دے مطابق 18 توں گھن تے 30 سال تئیں دی عمر دے لوک ماحولیاتی تبدیلی دے حوالے نال کہیں وی عنوان دے نال مقابلے سانگے ترائے منٹ دی ویڈیو بنڑا سگدے ہن ۔
ویڈیو سانگے زبان دی کوئی قید کائنی تاں جو انگریزی اچ سب ٹائٹل ہوونڑاں چاہیدا ہے ۔ مقابلہ جت ونجنڑ آلے نوجوان نومبر اچ جرمنی دے شہر بون اچ منعقدہ یو این ایف سی سی سی دے 23 ویں سیشن اچ خصوصی طور تے شرکت کریسن۔ ایں مقابلے اچ شرکت سانگے ویڈیو جمع کراونڑ دی چھیکڑی تاریخ 18 اگست رکھی گی ہے ۔
