اسلام آباد (پاکستان نیوزپوائنٹ 18جولائی2017ء) اسلام آباد ہائی کورٹ پنج ریگولیٹری اتھارٹیز کو ںوزارتاں دے ماتحت کرنڑ دے مقدمہ اچ سنگل رکنی بنچ دے 20 جون دے حکم کو ںمعطل کریندے ہوئیں فریقین کو ںنوٹس جاری کرڈتے ہن تے انہاں توں جواب منگ گھدا ہے ۔منگل کوں عدالت عالیہ دے جسٹس شوکت عزیز صدیقی اتے جسٹس محسن اختر کیانی تے مشتمل ڈویژن بینچ سماعت کیتی۔
ایں موقع تے ایڈیشنل اٹارنی جنرل محمد وقار رانا دلائل ڈیندے ہوئیں آکھیا ہے جو سنگل رکنی بنچ آئین دی شک نمبر 99 اتے 77 رول 3 دی خلاف ورزی کیتی ہے۔ سنگل رکنی بنچ دا فیصلہ آئین نال متصادم ہے۔ دلائل سنڑنڑ دے بعد عدالت درخواست سماعت سانگے منظورکر گھدی۔ عدالت محمد نواز اتے غیاث عبداللہ کوں نوٹس جاری کریندے ہوئیں جواب منگ گھدا ہے ۔ حکومت پنج ریگولیٹری اتھارٹیز کو ں چھی جون کو ںوزارتاں دے دوبارہ ماتحت کرنڑ دا نوٹیفکیشن جاری کیتا ہئی ۔
سنگل رکنی بنچ اوگرا اتے نیپرا سمیت پنج ریگولیٹری اتھارٹیز کوں وزارتاں دے ماتحت کرنڑ دا نوٹیفکیشن کاالعدم قرار ڈتا ہئی۔ عدالت سنگل رکنی بنچ جسٹس اطہر من اللہ دے 20 جون دا حکم معطل کر ڈتا۔ عدالت کیس دی مزید سماعت 11 ستمبر تئیں ملتوی کر ڈتی ہے ۔
