پاکستان مسلم لیگ(ن) دے رہنما دانیال عزیزدی سپریم کورٹ دے باہروں میڈیا نال گالھ مہاڑ

پاکستان مسلم لیگ(ن) دے رہنما دانیال عزیزدی سپریم کورٹ دے باہروں میڈیا نال گالھ مہاڑ

اسلام آباد (پاکستان نیوزپوائنٹ 18جولائی2017ء) پاکستان مسلم لیگ(ن) دے رہنماءدانیال عزیز آکھیا ہے جواج مختلف سیاسی جماعتاں سپریم کورٹ دا رخ کر گھدا ہے، او جماعتاں جیں دی نہ کوئی درخواست ہے اتے نہ ہی او پہلے ایں سلسلے اچ منسلک تھے۔ عجوبہ اے ہے جو کل اے تعداد گھٹ ہئی مگر اج مجمع نظر آندا پیا ہے ۔انہاں آکھیا جوق لیگ دے چوہدری شجاعت کل آئے ہن لیکن اج کائنی شاید انہاں کوں کہیں یاد ڈوا ڈتا ہے جو آئی سی آئی جے ساریں توں پہلے جیں پاکستانی سیاستدان بارے سنگاپور سوئس بینک دے ذریعے بنڑائی گی آف شور کمپنی دا انکشاف کیتا او انہاں دی ہئی ۔

انہاں خیالاں دا اظہار انہاں سپریم کورٹ دے باہروں میڈیا نال گالھ مہاڑ دے دوران کیتا ۔ایں موقع تے انھاں مخالف سیاسی جماعتاں کوں خوب تنقید دا نشانہ بنڑایا۔دانیال عزیز آکھیا جو اج اساں ڈیکھدے پیوں جو مختلف سیاسی جماعتاں سپریم کورٹ دا رخ کرگھدا ہے او جماعتاں جیں دی نہ کوئی درخواست ہے نہ او کڈاہیں پہلے ایندے نال منسلک تھے ہن ۔انہاں دا آکھنڑ ہئی جو میکوں یاد دہانی کراونڑ دی ضرورت کائنی جو کیویں بینکاں دے ملازماں دے بیان بدلیے گے ہن ،کیویں انہاں دے دوستاں تے چوکیداراں دے مختلف اکاﺅنٹس اچ کروڑاں روپے بھجوائے گے ہن ۔