اسلام آباد (پاکستان نیوزپوائنٹ 18جولائی2017ء) وفاقی وزیر پانڑیں تے بجلی عابد شیر علی آکھیا ہے جو عمران خان جمہوریت دا دھڑن تختہ کرنڑ چاہندے ہن ۔ سپریم کورٹ دے باہروں میڈیا نال گالھ مہاڑ کریندے ہوئیںانہاں مخالفاں تے تنقید کریندے ہوئیں آکھیا جو پی ٹی آئی گزریل ڈینھ جشن سانگے سارے پاکستان وے ورکراں کوں سڈوایا ہویا ہئی ، عمران خان جمہوریت دا دھڑن تختہ کرنڑ چاہندے ہن۔
انہاں آکھیا جو شاہ محمود قریشی ٹرپل شاہ ہن او قوم کوں ڈساون جو کتنے ارب روپے دے نذرانے چڑھائے ویندے ہن تے انہاںتے کتنا ٹیکس ادا کیتا؟ عابد شیر علی آکھیا جو شیخ رشید 25 سال نوازشریف دی جتی پالش کریندے رہیے ہنڑ خود کوں مزدور اکھیندے ہن ۔عابد شیر علی شیخ رشید کوں چیلنج کریندے ہوئیںآکھیا ہے جو او اپنڑے اثاثے میڈے ناںکر ڈیون تے میڈے اثاثے گھن گھنن خود پتہ لگ ویسی جو او کتنے مزدور تے انہاں دے ذرائع آمدن کیا ہن ۔
انہاں آکھیا جو 1985 اچ جیرھا بندہ صرف موٹر سائیکل دا مالک ہئی ،اج او محلاں،فارم ہاوسز اتے موٹر وے دے نیڑے ہزاراں ایکڑ زمین دا مالک ہے ،انہاں دے کروڑاں روپے دی پراپرٹی کتھوںآئی؟ اگر شیخ رشید اج انہاں دا چیلنج قبول نی کریندے تاں شیخ رشید کوں نالہ لئی اچ بڈ تے مر ونجنڑاں چاہیدا ہے ۔ انہاں آکھیا جو چودھری شجاعت ایویں ہن جیویںبیگانے دی شادی اچ عبد اللہ دیوانہ ۔چودھری برادران تے وی شریف خاندان دے وڈے احسان ہن جیرھے جو او بھل گے ہن ۔
