ملک دی اقتصادی ترقی سانگے استحکام ضروری ہے،اقتصادی راہداری دے منصوبیں کوں وختی پورا کرنڑ ہک چیلنج ہے ، ظفراقبال جھگڑا

اسلام آباد (پاکستان نیوزپوائنٹ 18جولائی2017ء) گورنر خیبرپختون خواہ ظفراقبال جھگڑا آکھیا ہے جو موجودہ صورت حال دے تناظر تے ملک دی اقتصادی ترقی سانگے استحکام ضروی ہے ۔منگل کوں اپنڑے ہک انٹر ویو اچ انہاں آکھیا جو پاک چین اقتصادی راہداری پاکستان دی ترقی تے خوشحالی دا منصوبہ ہے ،اقتصادی راہداری دے منصوبیں تے کم کوں جار ی رکھنڑ تے انہاں کوں وختی پورا کرنڑ ہک اہم چیلنج ہے جیں سانگے ملک اچ امن تے استحکام دا قیام ضروری ہے ۔

انہاں آکھیا جو سیاستداناں کوں اختلافات تے عدم استحکام پیدا کرنڑ آلے اقدامات توں خود کوں پرے رکھنڑاں ہوسی ۔ہک سوال دے جواب اچ انہاں آکھیا جو مشترکہ تحقیقاتی ٹیم دا قیام سپریم کورٹ دی ہدایات دی روشنی اچ عمل اچ لاتا گیا ہے تاں جو سپریم کورٹ دا احترام کریندوں اساکوں امید ہے جو ایں کیس اچ سپریم کورٹ انصاف کریسی ۔اے ہک اہم کیس ہئی تے عدالت وسیع تر قومی مفاد کوں سامنڑے رکھ تے فیصلہ کریسی ۔