اسلام آباد (پا کستان نیوزپوائنٹ 16اگست 2016ء) پاکستان مسلم لیگ (ن) دی سینیٹرکلثوم پروین آکھیا اے جو بلوچ عوام محب وطن پاکستانی ہن انھاں کڈائیں وی ملک دشمناں دے عناصراتے مذموم عزائم دی حمایت کائناں کیتی ہے۔ ریڈیو پاکستان نال گالھ مہاڑ کریندے ہوئیں انھاں آکھیا جو بلوچستان پاکستان دا اہم صوبہ ہے اتے بلوچ عوام بہادر ہن اتے اپنڑے ملک نال محبت کرنڑ آلے ہن ، بلوچستان دی حکومت اتے عوام بھارتی وزیر اعظم مودی دے بیان کوں مسترد کیتا ہے۔
انھاں آکھیا جو بھارتی وزیر اعظم نریندر مودی کوںبئے ملکاں وچ مداخلت کرنڑ دی بجائے اپنڑے ملک دے اندرونی معاملیاں تے توجہ مرکوز کرنڑ چاہیدی ہے۔ سینیٹرکلثوم پروین آکھیا اے جو تھوڑے جئے شرپسند بھارتی خفیہ اداریاں دے ہتھاں وچ کھیڈے پئے ہن اتے اوہ بلوچستان وچ عدم استحکام پیدا کرنڑ چاہندن ۔ انھاں آکھیا اے جو بلوچستان دی عوام وفادار اتے محب وطن پاکستانی ہن اوہ پاکستان دے دشمن عناصر دے مذموم عزائم دی حمایت کائنی کریندے ہن اتے نہ ای اوہ آئندہ کڈاہیں کریسن۔
