اسلام آباد (پا کستان نیوزپوائنٹ 16اگست 2016ء) تشدد حراستی موت اتے حراستی زنا (انسداد تے سزا) بل 2015ء قومی اسمبلی اچ پیش کرڈتا گیا جیں کوں ڈپٹی سپیکر متعلقہ قائمہ کمیٹی دے حوالے کر ڈتا۔ منگل کوں نفیسہ عنایت اللہ خٹک تحریک پیش کیتی جو تشدد حراستی موت اتے حراستی زنا (انسداد تے سزا) بل 2015ء سینٹ دی منظور کردہ صورت اچ غور کیتا ونجے ۔ وفاقی وزیر زاہد حامد بل دی مخالفت نہ کیتی۔
انہاں تجویز ڈتی جو بل کوں کمیٹی دے حوالے کیتا ونجے ۔ نفیسہ عنایت اللہ خٹک آکھیا جو ایں بل دی منظوری نال جیل اچ قیدیاں کوں تحفظ ملسی ۔ڈاکٹر شیریں مزاری آکھیا جو ایں بل تے ایوان اچ ووٹنگ کرائی ونجے ۔وفاقی وزیر زاہد حامد آکھیا جو ایں بل کوں کمیٹی اچ مزید چنگاں بنڑایا ونج سگدا ہے ۔ ڈپٹی سپیکرآکھیا جو قاعدہ 148 دے تحت بل کوں کمیٹی دے حوالے کیتا ونج سگدا ہے ۔ ڈاکٹر شیریں مزاری آکیا جو عزت دے ناں تے قتل بل تے زنا بالجبر بلاںوانگوں اے بل وی تعطل دا شکار تھی ویسی ڈپٹی سپیکر وفاقی وزیر زاہد حامد دی درخواست تے بل کمیٹی دے حوالے کر ڈتا ۔
